BUTROI BIZKAIKO TXAKOLINA

4 familiaren proiektua, duela lau urte sortu zena, hiru upategi eta horien mahastiak bildu zituztenean. Gatikan dago.

12 hektarea inguru dituen mahastia kudeatzen dute. Guztira, 73.000 litro txakolin, Bizkaiko Txakolina Jatorri Deituraduna, egiten dute. Txakolin zuriaren lau marka eta txakolin gorriaren marka bat egiten dituzte, eta guztiek sari ugari irabazi dituzte, hala nola, Bacchus de Oro, “Etxebarria 2015” txakolinarekin, 2016ko XIV. Nazioarteko Lehiaketan.

Duela gutxi eraiki da upategia, eta horretan berrikuntza teknologikoaren aldeko apustua egin da. Enoturismoa egiten dute,  hots, bisitaldi gidatuak antolatzen dituzte upategian eta mahastietan. Landa-ingurunea modu egoki eta arduratsuan erabiltzen dute eta ekoizpena bikaina da.