MAUME

Latxa Mutur Beltza arrazako 350 ardi inguruko ustiategia, erdi-estentsiboan, Muxikako Magunas auzoan dagoena. Titularra Sabin Aranburu da, baina bere ondoan Piedad Ingunza emazteak lan egiten du, batez ere, Idiazabal Jatorrizko Izendapena duen gazta egiten.

Bokaziozko artzaina, osaba-izebekin baserrian bizitzea aukeratu zuena, Durangon gurasoekin baino.

90eko hamarkadan pabiloi bat eraiki zuen ardiei estabulazio askean eta azpi beroan ostatu emateko. Esnetegia du, esnea hozteko tanga eta jetzitegiduna, behe-lerroko jezte mekanikoko zirkuitua eta 10 puntu dauzkana.

Gaur egun, bere ardiek 55.000 litro esne inguru ekoizten dituzte urtero, ardi bakoitzeko ia 2 litroko jeztutako esnearekin batez beste, eta kalitate apartarekin. Artalde hori elitekotzat jotzen da Latxa Mutur Beltzaren hautaketa eta hobekuntza genetikoaren eskemaren barruan. Bere ardiak Bizkaian lehenetarikoak izan ziren intseminatzen, eta ARDIEKIN hautaketa zentroan mantentzeko ar onenen aukeraketan ere parte hartu du.

Era berean, Sasi Ardi ardi-arraza autoktonoko eta galzoriko 85 ardi dauzka. Gainera, Terreña arraza autoktonoko behi batzuk eta Euskal Txerria arrazako txerri batzuk ere baditu.

50 hektarea mendiko larre propio eta komunal kudeatzen ditu Bizkaian, Pozuzarretako Abeltzainen Elkartearen barruan.

Aurten, Euskadiko Abeltzaintza Ustiategien XIX. Lehiaketan, ardi-aziendaren eta bazka-ekoizpenaren ustiategirik onena izendatu dute.

Elkarte hauetako bazkide da: ACOL, BISAREL, BITEL, POZUZARRETA eta BIETXE.