NANIKE

Nanike ustiategiaz Fermín Urizar eta horren emazte Jacqueline Chertudi arduratzen dira. “Ferminen ustiategia da, betidanik”, azaltzen digu Jacquelinek. Kortezubiko Barrenetxe-Barri baserrian dago, Urdaibai erdi-erdian.

Gernikako indaba gorriak, txorizo-piperrak, Eusko Labeldun okela bikaina edo kalabazak ekoiztu eta merkaturatzen dituzte, besteak beste. 110 hektarea kudeatzen dituzte, hauekin: aire zabaleko berotegia, bazka-artoa eta 165 abelburu.

Web-orriaren bidez saltzen dute, baita zuzenean, etxeetan, Santo Tomas azokan eta urriko lehen astelehenean.

Nanike ustiategia aintzatetsia da eta ustiategi onenaren sari lortu du hainbatetan, aurrerapen teknologikoak sartu baititu, esaterako, nabe berri bat.

Halaber, bisitaldi antolatuak eskaintzen dituzte baserria ezagutzeko, bezeroen artean erosketa informatua sustatzearren.